Categories
ထူးဆန်းထွေလာ

၂၀၁၄ ခုနှစ်က ပျောက်ဆုံးသွားတဲ့ မလေးရှား လေယာဉ် MH370 နဲ့ပတ်သတ်ပြီး ထွက်ပေါ်လာခဲ့တဲ့ အငြင်းပွားဖွယ် သီအိုရီများ

၂၀၁၄ ခုနှစ်မတ်လ ၈ ရက်နေ့မှာ ပျက်ကျသွားခဲ့တဲ့ မလေးရှားလေယာဉ်လိုင်းမှ Flight 320 ဟာ မလေးရှားနိုင်ငံ ကွာလာလမ်ပူမှ တရုတ်နိုင်ငံ ဘေဂျင်းသို့သွားစဉ်ခရီးလမ်းမှာ ပျက်ကျသွားခဲ့တာဖြစ်ပါတယ်။ဗြိတိန်ဂြိုလ်မှ အထောက်အထားတွေအရတော့ လေယာဉ်ပျက်ကြီးရဲ့ ဂျက်လေယာဉ်ဟာ အိန္ဒိယသမုဒ္ဒရာအတွင်း တစ်နေရာမှာရှိလိမ့်မယ်လို့ စုံစမ်းစစ်ဆေးသူတွေက ယူဆထားပါတယ်။

လေကြောင်းလိုင်းရဲ့ ဂြိုလ်တု မှ တစ်ဆင့်ခြေရာခံထားခဲ့တဲ့အထောက်အထားတွေအရ ဒီလေယာဉ်ဟာ လမ်းကြောင်းပေါ်ကနေ မြောက်ဘက်ကိုယွန်းသွားကြောင်းတွေ့ထားရပါတယ်။ “လေယာဉ်ဟာ မြောက်ဖက်ကိုယွန်းသွားရတာက အကြမ်းဖက်သမားတွေက တစ်နေရာမှာ ဆင်းသက်ခိုင်းစေချင်လို့ဖြစ်နိုင်တယ်။ ဘာကြောင့်လည်းဆိုတော့ မြောက်ဖက်မှာ ကုန်းမြေရှိပြီး တောင်ဘက်မှာတော့ ရေပြင်ကျယ်ကြီးပဲရှိနေတဲ့အတွက် လေယာဉ်ဆင်းသက်ဖို့မဖြစ်နိုင်လို့ပဲ။ ဒါပေမယ့်လည်း ဒီအချက်ပေါ်မူတည်ပြီး ကောက်ချက်ချဖို့ခဲယဉ်းပါတယ် ” လို့ ဒီလေယာဉ်နဲ့ပတ်သတ်ပြီး စာတမ်းပြုစုနေတဲ့ ဆောင်းပါးဆရာ Jeff Wise ကပြောပါတယ်။

ပျက်ကျသွားတဲ့ လေယာဉ်ရဲ့ အပိုင်းအစတွေကိုတော့ မလေးရှား ၊ Mozambique နဲ့ Tanania နိုင်ငံတွေရဲ့ ကမ်းခြေတွေမှ ာတွေ့ရှိခဲ့ရပါတယ်။ မကြာသေးခင်ကပဲ လေယာဉ်အပျက်မှ အပိုင်းအစလို့ထင်ရတဲ့ အပိုင်းအစငါးခုကိုလည်း Madagascar မှာ သောင်တင်နေခဲ့တာ တွေ့ခဲ့ရပါတယ်။ စစ်ဆေးသူတွေကတော့ ဒီလေယာဉ်ဟာ လမ်းကြောင်းပေါ်က ထွက်သွားခဲ့ပြီး မိုင်ထောင်ချီအကွာမှ ပျက်ကျသွားခဲ့တာဖြစ်တယ်လို့ အခိုင်အမာ ယုံကြည်ထားကြပါတယ်။ ဒီလေယာဉ်ပျက်ကျအပေါ် မူတည်ပြီးတော့ အငြင်းပွားဖွယ်ရာတွေလည် းဖြစ်နေကြပါသေးတယ်။

တစ်ချို့တွေကတော့ MH370 ပြန်ပေးဆွဲခံရမှုဟာ ရုရှားသမ္မတ Vladimir Putin နဲ့ပတ်သတ်နေတယ်လို့ယူဆထားကြပါတယ်။ ပြင်သစ်လေတပ်သားဟောင်း Marc Dugain ကတော့ လေယာဉ်က ပြန်ပေးဆွဲခံထားရတဲ့အတွက် အမေရိကန်လေတပ်က ပစ်ခတ်ပြီး လေယာဉ်ကို အစဖျောက်လိုက်တာဖြစ်တယ်လို့ပြောထားပါတယ်။ မလေးရှားရဲမှူးချုပ် Tan Sri Khalid Abu Bakar ကတော့ လေယာဉ်ပျောက်ကွယ်သွားရတဲ့ အကြောင်းအရင်းက ကိုယ့်ကိုယ်ကို သေကြောင်းကြံမှုနဲ့ ပတ်သတ်နေတယ်လို့ ပြောဆိုထားပါတယ်။ ဒီလေယာဉ်ပေါ်မှာ လိုက်ပါသွားခဲ့တဲ့ သူတစ်ယောက်ဟာ လေယာဉ်မစီးခင်မှာ အသက်အာမခံ တန်ကြေးအများကြီး ထားခဲ့ကြောင်း တွေ့ရှိထားရတဲ့အတွက် အခုလိုယူဆရတာပဲဖြစ်ပါတယ်။

သမိုင်းပညာရှင် Norman Davies ကတော့ MH370 ဟာ လျို့ဝှက်နေရာတစ်ခုမှာရှိနေဆဲဖြစ်တယ်လို့ ခန့်မှန်းထားပါတယ်။ အဲ့ဒီနေရာမှာ လေယာဉ်ပြန်ပေးဆွဲခဲ့တဲ့သူတွေက လေယာဉ်ပေါ်မှာတင်ဆောင်လာတဲ့တရားမဝင်ပစ္စည်းတွေကို ထုတ်ယူနေတာဖြစ်တယ်လို့ပြောပါတယ်။ မလေးရှားလေယာဉ်လိုင်းဟာ MH370 မပျောက်သွားခင် ၂ ရက်အလိုမှာ သူတို့ပိုင်လေယာဉ်တစ်စင်းရဲ့နံရံမှာ ၁၅ လက်မလောက်ရှိတဲ့ အက်ကြောင်းတစ်ခုဖြစ်နေတာကို တွေ့ခဲ့ရပါတယ်။ အက်ကြောင်းဖြစ်နေတာကို တွေ့ရှိပြီးနောက်မှာ အရေးပေါ်သတင်းထုတ်ပြန်ကြေငြာပြီး လေယာဉ်တွေကို စစ်ဆေးဖို့သတိပေးခဲ့ပါသေးတယ်။ ဒါပေမယ့် Boeing 777 လေယာဉ်အမျိုးအစားတွေဟာ အင်တာနာမပါရှိတဲ့အတွက် သတိပေးချက်တွေကို မရရှိခဲ့ဘူးလို့ Daily Mirro မှာရေးသားထားတာ တွေ့ရပါတယ်။

ဝန်ကြီးချုပ် Malcolm Turnbulll ကတော့ ဒီဖြစ်ရပ်အပေါ် ပိုင်းလော့တွေကို အပြစ်တင်ဆိုထားပါတယ်။ ပျက်ဆီးနေတဲ့ Najab Razak ရဲ့အစိုးရကို ဖြုတ်ချပြီး မလေးရှားပါတီခေါင်းဆောင် Anwar Lbrahim ကိုထောင်ထဲက ပြန်လွှတ်ပေးဖို့အတွက် ကိုယ့်လေယာဉ်ကို ကိုယ်ပြန်ပေးဆွဲပြီး Sucide Mission အနေနဲ့ဆန္ဒပြသွားတာဖြစ်တယ်လို့ ပြောပါတယ်။ ၂၀၁၄ ခုနှစ် မတ် ၅ ရက်နေ့တုန်းက ခရီးသည်ပေါင်း ၂၂၀ တင်ဆောင်လာတဲ့ တရုတ်လေယာဉ်တစ်စီးကို မြောက်ကိုရီးယားမှ ပစ်ချခါနီး အခြေအနေဖြစ်ခဲ့ဖူးပါတယ်။ ဒါကြောင့် ဒီလေယာဉ်ပျက်ကျရတဲ့အကြောင်းအရင်းဟာ မြောက်ကိုရီးယားရဲ့ စနက်ဖြစ်နိုင်တယ်လို့လည်း တစ်ချို့တွေက ယူဆထားကြပါတယ်။

ထူးဆန်တဲ့အချက်တစ်ခုကတော့ လေယာဉ်ပျက်ကျသွားပြီး ၄ ရက်ကြာတဲ့အထိ လေယာဉ်ပေါ်မှာ ပါသွားတဲ့ ခရီးသည်တွေရဲ့ဖုန်းကို ခေါ်လို့ရနေသေးတဲ့ အချက်ပါပဲ။ ပညာရှင်တွေကတော့ တစ်ခါတစ်လေမှာ ဖုန်းပျက်ဆီးသွားပေမယ့် ဖုန်းခေါ်တဲ့အသံကို ကြားရလေ့ရှိတတ်တယ်လို့ ထောက်ပြထားကြပါတယ်။ စက်တင်ဘာလ ၂၀၁၈ ခုနှစ်မှာ ဗြိတိန်မှ Lan Wilson ဆိုတဲ့သူတစ်ယောက်ဟာ Google Maps မှတစ်ဆင့် လေယာဉ် အပျက်အဆီးအပိုင်းအစတွေကို ရှာတွေ့ခဲ့ပါတယ်။ သူဟာ ကမ္ဘောဒီးယားနိုင်ငံ၊ ဖနွမ်းပင်မြို့အပြင်ဘက် တောအုပ်ထဲမှာရှိတဲ့ တောင်ကုန်းတစ်ခုနားမှာ ဒီလေယာဉ်အပျက်အဆီးတွေကိုတွေ့ခဲ့တာပဲဖြစ်ပါတယ်။ တရုတ်အစိုးရမှ ရှာဖွေရေးအဖွဲ့တစ်ခုလွှတ်ပြီး ရှာဖွေခဲ့ပေမယ့် တောအုပ်ထဲမှာ မည်သည့်လေယာဉ်အစိတ်အပိုင်းကိုမှမတွေ့ခဲ့ရပါဘူး။

မေလ ၂၀၁၈ ခုနှစ်မှာတော့ သြစတေးသျနိုင်ငံရဲ့ တီဗီအစီအစဉ်တစ်ခုမှာ လေကြောင်းသုတေသီတွေ ပေါင်းစုပြီးတော့ အစည်းအဝေးတစ်ရပ်ကျင်းပခဲ့ပါတယ်။ ဒီအစည်းအဝေးမှာတော့ လေယာဉ်မှူး Shah ဟာ လေယာဉ်ကို သြစေတေးသျနိုင်ငံအနောက်ဘက် အိန္ဒိယသမုဒ္ဒရာထဲကို သေချာပေါက် မောင်းဆင်းခဲ့တာဖြစ်တယ်လို့ ကောက်ချက်ချခဲ့ပါတယ်။ သြစတေးသျ ခရီးသွားလာရေး ဗျူရိုမှ Martin Dolan ကလည်း ” ဒီအဖြစ်အပျက်ဟာ သေချာစီစဉ်ထားတဲ့အဖြစ်အပျက်ပါ။ အချိန်များစွာကြာခဲ့ပြီးတဲ့နောက်မှာ ဖြေရှင်းနိုင်ခဲ့ပါပြီ ” လို့ ပြောကြားခဲ့ပါတယ်။ ထို့အပြင် လေကြောင်းနည်းပြ Simon Hardy ဟာလည်း ကပ္ပတိန်ဟာ သူ့မွေးရပ်မြေ Peneng မြို့အပေါ်ကို ဖြတ်မောင်းဖို့အတွက် လမ်းကြောင်းပေါ်က သွေဖီခဲ့သေးတဲ့အကြောင်းလည်း ထည့်ပြောခဲ့ပါတယ်။

ဒါပေမယ့် လေကြောင်းအရာရှိတစ်ယောက်တော့ MH370 ဟာ အရှိန်နဲ့ထိုးဆင်းခဲ့တာမဟုတ်ပဲ ရေပေါ်ကို ဖြည်းညှင်းစွာဆင်းသက်ခဲ့တာဖြစ်တဲ့အတွက် ကပ္ပတိန်ကြံစည်တာမဖြစ်နိုင်ဘူးလို့ ငြင်းဆိုထားပါတယ်။ ဘာကြောင့်လဲဆိုတော့ တောင်ပျံအောက်ပိုင်းတွေဟာ ရေနဲ့ရှပ်ထိထားတဲ့အတွက်ပွန်းထားတဲ့ ဒဏ်ရာတွေတွေ့ထားရလို့ပါ။ တကယ်လို့အရှိန်နဲ့ ဆင်းသက်ခဲ့မယ်ဆိုရင် လေယာဉ်ဟာရေထဲကိုတန်းပြီး နစ်သွားမှာပဲဖြစ်ပါတယ်။

Writer – Min Thu (Daily Hot News)

Leave a Reply

Your email address will not be published.